ஹாலிவுட்டை தூள் தூளாக்கிய துப்பாக்கி

சமீபத்தில் எந்த தமிழ்ப் படமும் யுஎஸ்-ஸில் இரண்டு கோடியை எட்டவில்லை. அதனை துப்பாக்கி முறியடித்திருக்கிறது. வெளியான நாளிலிருந்து துப்பாக்கி வசூல் சாதனை நிகழ்த்தி வருகிறது. வெளிநாடுகளிலும் இதன் வசூல் வேட்டை தொடர்கிறது. யுகே-யில் துப்பாக்கி இரண்டாவது வார இறுதியில் 26,133 பவுண்ட்கள் வசூலித்துள்ளது. சென்ற வார இறுதிவரை வசூல் நிலவரம் 3,06,468 பவுண்ட்கள். நமது ரூபாய் மதிப்பில் 1.68 கோடிகள். இந்த வருடம் எந்தத் தமிழ்ப் படமும் இப்படியொரு வசூலை பெற்றதில்லை.
யுஎஸ்-ஸில் இரண்டாவது வார இறுதிவரை அதாவது சென்ற வார இறுதிவரை 4,52,734 அமெரிக்க டாலர்களை வசூலித்துள்ளது. நமது ரூபாய் மதிப்பில் சுமார் 2.51 கோடிகள். யுஎஸ்-ஸிலும் இப்படியொரு வசூலை ஒரு தமிழ்ப் படம் இந்த வருடம் பெறுவது இதுவே முதல்முறை என்பது முக்கியமானது. ஆஸ்‌ட்ரேலியாவில் இப்படம் சென்ற வார இறுதிவரை 46.73 லட்சங்களை வசூலித்துள்ளது.