சும்மா சொல்லக் கூடாது, பாட்டு பட்டையைக் கிளப்பும் வகையில் அமைந்துள்ளதாம்.
இந்தப் பாடலில் கிரண் மட்டுமல்லாமல் மேலும் ஐந்து அழகிகளும் கூட ஆடியுள்ளனராம். ஆறு பேரும் சேர்ந்து போட்டுள்ள இந்த ஆட்டம் ரசிகர்களுக்கு பெரும் சந்தோஷத் திண்டாட்டமாக அமையும் என்கிறார்கள். படத்தின் நாயகி என்னவோ அமலா பால்தான். ஆனால் அவரிடம் அதிகம் கவர்ச்சியைக் கறக்க முடியாது என்பதால் கவர்ச்சிக்காகவே இந்த ஆறு அழகிகளையும் கூட்டி வந்து ஆட வைத்து ஷூட் செய்துள்ளனராம்.
தலைவா படத்திற்கு பிரகாஷ் குமார் இசையமைக்கிறார். இப்பாடலை விஜய் ரசிகர்களுக்கேற்றபடி அதிரடியாக மெட்டமைத்துள்ளாராம் பிரகாஷ். நண்பன் படத்தில் முக்கிய வேடத்தில் நடித்தவரான சத்யராஜ், தற்போது 2வது முறையாக விஜய்யுடன் இணைந்து இந்தப் படத்திலும் நடித்துள்ளார். இதிலும் அவருக்கு முக்கிய வேடமாம்.
இதேபோல சமீபத்தில் தலைவா தலைவா என்ற பாடலையும் பிரமாண்டமான முறையில் படமாக்கினார் இயக்குநர் ஏ.எல். விஜய். இப்பாடலில் 250 டான்ஸர்கள் ஆடினர். சின்னி பிரகாஷ் நடனத்தை வடிவமைத்திருந்தார். 50 படகுகளை வடிவமைத்து அதில் ஆடிப் பாடுவது போல இந்தப் பாடல் உருவாக்கப்பட்டுள்ளதாம்