நடிப்பு : Thomas Mann,Oliver Cooper,Jonathan Daniel Brown,Kirby Bliss Blanton,Alexis Knapp
கதை : Michael Bacall
வசனம் : Matt Drake
இயக்கம் : Nima Nourizadeh
தயாரிப்பு : Todd Phillips
காலம் காலமாக பதின்ம வயதுப் பசங்கள் அடிக்கும் கூத்தை மையமாக வைத்து திரைப்படங்கள் வெளிவருவது வழமை தானே. 70 வதுகளில் ஆரம்பித்த ‘American Graffiti’ தொடக்கம் 2000ம் களில் வெளிவந்து சக்கை போடு போட்ட ‘American Pie’ வரை இந்த இரக திரைப்படங்களே. இதில் வரும் நகைச்சுவைக் காட்சிகளை எல்லாரும் நகைச்சுவையாக ஏற்க்கொள்வதில்லை ஆனால் அந்த வயது உடையோரிற்கு மெகா ஹிட் திரைப்படம் அது.
இந்த வரிசையில் 2010 களில் கலக்கவென்றே வந்த திரைப்படம்தான் ‘Project X’. உயர் பள்ளியில் கல்விகற்கும் 3 மாணவர்கள். அவ்வளவாக பாடசாலையில் பிரபலம் இல்லாதவர்கள். தானுண்டு தன் படிப்பு உண்டு என்று இருக்கும் மாணவர்கள். இந்த மூன்று நண்பர்களில் ஒருத்தனிற்கு பிறந்தநாள் வருகின்றது. பிறந்தநாளைக் கொண்டாட முடிவெடுகின்றனர் நண்பர்கள்.
பொதுவாகவே பாடசாலையில் பிரபலம் இல்லாத இவர்கள் பிறந்தநாள் கொண்டாட்டத்திற்கு யாரும் வரமாட்டார்கள். ஆகவே நண்பர்களை எல்லாம் அழைத்து பெரிய கொண்டாட்டம் ஒன்றை நடத்த இந்த மூன்று நண்பர்களும் திட்டம் போடுகின்றனர். இதை இன்னும் ஒரு நண்பர் தனது வீடியோ கமிராவினால் படம் பிடிப்பது போல காட்சிகள் அமைகின்றன. தோமசின் பிறந்தநாள் களியாட்டத்தை கொஸ்டா எனும் மற்றைய நண்பன் அமைக்கின்றான். ஆரம்பத்தில் பயந்தாலும் பிறகு தோமசும் ஒத்துக்கொள்ள களியாட்ட நிகழ்வுக்கான ஆரம்ப பணிகளை கொஸ்டா தொடங்குகின்றான்.
பிறந்தநாள் கொண்டாட்டம் நினைத்தது போலவே நிதானமாக ஆரம்பித்து பின்னர் பிழையாகத் தொடர்கின்றது. கட்டுக்கடங்காமல் எல்லை மீறிப் போகின்றது. என்ன நடந்தது எப்படி நடந்தது என்று எதையுமே சொல்லப் போவதில்லை நீங்களாகவே பார்த்து இரசித்து சிரித்துக்கொள்ளுங்கள்.
இங்கே முக்கியமான விடையம் குடும்பத்தாருடன் பார்க்க முடியாத திரைப்படம் இது. கட்டாயமாக சிறுவர்களிற்கு ஏற்ற திரைப்படம் இல்லை.
இந்த திரைப்படத்தை பார்க்கும் போது அடிக்கடி ‘The Hangover’ திரைப்படம் ஞாபகத்திற்கு வருவதைத் தடுக்க முடியாது. என்ன காரணமாக இருக்கும் என்று தேடியபோதுதான் ஒரு குட்டு வெளிப்பட்டது. ‘The Hanover’ திரைப்பட இயக்குனர் ‘ Todd Phillips’ இந்தை திரைப்படத்தை தயாரித்துள்ளார் என்பதே.
சுமார் 12 மில்லியன் பட்ஜட்டில் தயாரானாலும் வசூலில் 100 மில்லியனிற்கு மேல் சம்பாதித்து சாதனை புரிந்துள்ளது இந்த திரைப்படம். தயாரிப்பாளர் இந்த திரைப்படம் ஒரு பரிசோதனை முயற்சியே என்று கூறினார். தயாரிப்பு வேலைகளும் மிக இரகசியமாக நடத்தப் பட்டது. ஒரு பாத்திரத்தில் நடிப்பவரிற்கு அவர் பாத்திரம் சார்ந்த திரைக்கதை வசனம் என்பவை மட்டுமே பகிரப்பட்டது.
திரைப்படம் வெற்றியடைந்தாலும் திரைப்படம் பற்றிய விமர்சனங்கள் தாறுமாறாக அமைந்தன. பலர் இதை தனித்துவம் இல்லாத திரைப்படம் என்று திட்டித் தீர்த்துக் கூட இருந்தனர். எது என்னவாகினும் திரைப்படம் உலகம் முழுவதும் வெற்றியடைந்துள்ளது.